LONG taim Debbie Masauvakalo i kirapim Vanuatu beach volibal tim long 2007, em i bin gat bikpela driman. Tasol em i no klia ol meri bai i go inap long wanem mak. 

"Driman bilong mipela em long kamap nambawan beach volibal tim long Pasifik," em i tok.

Debbie i bilong  

"Mipela i no bin tingting log kwalifai long Olympiks long taim mipela i bin kirapim dispela grup.

Tasol long 2009, gol medal wina bilong Australia, Natalie Cook i bin go raun long Vanuatu nae m i lukim ol dispela meri i pilai na em i tokim Masauvakalo olsem ol i wol klas pilaia.

"Em i planim dispela driman long tingting na bel bilong mipela olsem mipela inap long kwalifai long Olympik Gems," Masauvakalo i tok.

Ol i luksave olsem i gat planti salens tru ol i mas winim long kamap long mak bilong wol klas.

Vanuatu i bin salim 31 etlit i go long Olympiks stat long 1988 i kam inap nau, tasol i no gat wanpela tim bilong Pasifik i bin kwalifai long Olympiks.

Ol meri pilaia long Vanuatu i bungim planti salens tru. Ol i no save kisim gutpela sapot long pilai spot. I no bin gat wanpela meri etlit bilong Vabuatu i bin go long 2016 Sama Olimpiks.

Beach volibal tim i bin misaut long pilai long Rio de Janeiro long wanpela ples tasol.

"Mipela i bin wari tru olsem mipela i no inap long kalapim dispela mak," Masauvakalo i tok. 

Em if IVPELA yia nau na ol i redi long traim kwaliifai long pilai long Tokyo Olympiks. Ol i mas winim mak bilong kwalifai long Thailand. Em bai bikpela samting tru sapos ol i kwalifai na pilai long Olympiks.

'Longpela taim tru mipela i pait long kisim spes'

 Miller Pata, i save olsem dispela em i las sans tru long laip bilong em.

Em i wanpela ki patna bilong tim long tripela taim ol i bin resis long kwalifai. Em i gat 34 krisms nau na em i save dispela bai las sans bilong em long Olympiks.

Miller Pata i bilong Banks Islands, wanpela ailan i stap longwe tru. Papa bilong e mi save sapotim em long pilai spot long taim em i liklik. Tude ol komenteta i save kolim em  "Queen of the Court".

Papa bilong e mi bin dai las yia na tude memori bilong papa i strongim em long winim dispela driman bilong em.

Volibal i kisim Pata i go long 30 moa long kantri we em i bin autim ol top tim bilong Brazil, Saina na Australia.

Sampela bilong ol pilaia olsem Lawac Majabelle i nupela. Em i bin pilai beach volibal wanpela yia i go pinis. Na nau em i stap long nesenel tim bilong kantri.

"Mi kirap nogut. Mi no ting bai mi pilai beach volibal," em i tok. 

"Tasol mi amamas. Driman bilong mi nau em long kamap wanpela rol model bilong ol yangpela meri long Vanuatu."

Dispela tim bilong ol i wok long trening strong tru olgeta de, maski sapos ren i pundaun o san i hat tumas.

Narapela pilai, Sherysyn Toko, tu i gat wankain tingting.

"Mipela i wok long pait strong long kisim spes long 2012 i kam inap nau. Na mi ting bai mipela inap.”

COVID-19 givim planti salens

Bikos long COVID-19, kosa bilong ol Frederica Tonon i no bin inap long go hariap long Vanuatu. Em i bilong kantri Itali.

Long taim em i kamap long Vanuatu, em i luksave long talent na save bilong ol pilaia long kwalifai long Olympiks.  

"Ol i strongpela pilaia. Mi amamas na laki tru long wok wantaim ol," Tonon i tok.

Tonamen bilong kwalifai bai kamap insait long kwarentim babel long Thailand.

Bai ol i bungim ol strongpela tim bilong ol arapela kantri. Ol laki wina bai go pilai long Tokyo na ol arapela bai go bek long kantri bilong ol na plen traim gen long neks raun.

Tim bilong Vanuatu bai go insait long Olympik saspos ol i kwalifai long Thailand.  (Dan McGarry)

Tim bilong Vanuatu i go long Thailand long las wik Fraide bihain long ol i kisim AstraZeneca banis sut. Dispela tonamen bilong kwalifai bai kamap bihain long tripela wik.

COVID-19 i stap strong yet long Japan na i gat ol askim i kamap yet sapos Tokyo Gems bai gohet o nogat.

Dispela tim bilong ol meri Vanuatu i laikim sans bilong pilai long Olympiks. Ol i bilip sapos ol i pilai, bai ol i win yet ya.