WAGHI Tumbe i bin selebretim naispela komeptisen win bilong raun 1 Digicel Kap long las wik Sarere long Pot Mosbi.

Dispela selebresen bilong raun 1 win i bekim hatwok trening bilong ol aninit long COVID-19 protokol.

Ol Tumbe i bin pilai autstending gem stret na rausim Agmark Rabaul Gurias wantaim 32-20 poin.

Gurias i bin kam strong tasol bihain long Joe Frank bilong Tumbe i brukim difens wantaim ranawe trai em i bin daunim strong bilong Gurias na apim poin go antap long 32-20

Gurias em strongpela tim tasol Tumbe daunim strong bilong ol wantaim gutpela win ova long raun 1 .Tumbe kisim sans long taim Gurias brukim bun bilong ol long takol na lusim bal klostu long 20 mita na 10 mita trai lain.

Long wankain taim tu, Cutters i ran long baksait bilong Vipers long 16-10 long namba tu hap tasol no gat senis long hap taim skoa

Cuttersi bin strongim difens na Vipers i kisim taim long skoim trai maski asua i bin kamap klostu long trai lain.

Vipers i bin mekim planti penalti asua long bal tasol Cutters i pilai strong inap ful taim. Tupela tim wantaim i pilai strong long namba wan hap i go inap gem pinis.

Jacklyn Kimala i raitim