LAE Snax Tigers i bin winim Mt Hagen Eagles 48-20 taim PRK Muruks i wokabaut i go aut wantaim 16-12 win long Enga Mioks long las wik Sande long Lae.

Tigers i rausim olgeta ai bilong Eagles na pasim wantaim bikpela poin. Ol Muruks i wokabaut long graun na lusim Mioks long flai go bek wantaim 4-pela winga tasol.

Namel long tupela gem bilong raun 1 Digicel Kap resis ol gen i bin kamap gut tasol i no bin nais tumas bikos no gat planti sapota i kamap long lukim salens.

I no gat gutpela namba bilong ol sapota bikos long COVID-19 protokol.

Muruks i strongim gia tasol Mioks i putim brek gia bilong ol na lusim raun 1.Tasol ol Mioks nau i redi long raun 2 wantaim wankain gia.

Muruks i yusim strongpela lek long wokabaut strong na daunim Mioks wantaim 4-pela poin na lusim skoa long 16-12.

Tigers pasim olgeta ai bilong Eagles long plai bek wantaim 20 poin.

Long wankain taim tu olgeta tim pilaia wantaim kosa bilong ol i amamas long dispela raun 1 bilong gem bihain long ol i trening na wet longpela taim inap sisen stat.

Kosa bilong Snax Tigers Stanley Tepend i gat bikpela bilip long tim bilong em long raun 1 gem

“Mipela i wetim dispela kompetisen long kamap na em i kamap olsem na mipela olgeta tim i amamas long pilai wantaim olgeta strong bilong hamas mun mipela i bin trening.” wanpela pawaful fowat bilong Tigers Rex Yallon i tok.

Jacklyn Kimala i raitim