OL SP PNG Hunters i bin soim belat bilong raun 8 Intrust Super Kap long taim ol i bin lus long pait wantaim ol Redcliffe Dolphins long Moreton Daily Stedium long las wik Sarere.

Long namba wan hap bilong gem ol Dolphins kisim sans long skorim trai na win long 24-12. Ol Hunters pait strong long namba tu hap tasol ol i no inap.

Ol Dolphins i bin skorim 4-pela trai long 27 minit na bihain ol Hunters i bin bihainim wantaim 3-pela trai long namba tu hap bilong gem.

Bihain long dispela, kosa Matt Church i bin laikim ol pilaia bilong em long soim wankain lain difens.

Em bin gat dispela lak bihain long ol Hunters i bin holim ol Dolphins long no ken skoa inap ful taim.

Junior Rau i bin pinis wantaim liklik muv insait long 36 minit na kirapim ol Hunters long pait bek.

Fowat bilong Hunters Benji Kot i bin skoa insait long 65 minit na Rau i bin katim gen long 70 minit tasol ol gol kik bilong Dolphins NRL pilaia Sean O’Sullivan i bin go insait na daunim ol Hunters.

“Mipela redim mipela yet long dispela gem long stat isi na mipela baim dispela prais long i no bildim presa,” Church i tok.

“Ol i bikpela tim na ol i traim masol bilong mipela. Mipela save olsem ol bai mekim olsem na mipela inap long resis. Mipela i no bin gutpela tasol dispela em kaikai bilong dispela yia.”

“Tasol mipela i bin stap strong long hap taim na tok olsem mipela lukluk long pinisim resis wantaim. Dispela em sans bilong mipela long soim wankain gem na pinis strong.

“Mipela bin soim planti strong na dispela em bikpela samting long mipela. Mipela i save tok olgeta taim olsem mipela inap pinisim dispela sisen strong moa mipela statim wok na mipela bai wok yet long futbal.”

Ol Hunters i bin hatwok long las tu minit mets wantaim bagarap na saspensen lusim ol wantaim 17 na 18 pilaia tasol long pilai. Ol i bin welkam bek sampela ekspriens pilaia namel long narapela grup sapota bilong ol Hunters.

Ol Hunters inap long orait wantaim pefomens bilong Edwin Ipape long ranim faiv-eit.

Ol Hunters bai trevol go bek long Runaway Bay dispela wik long kisim ol Townsville Blackhawks taim ol Dolphins bai trevol go long Sunshine Coast long pilai wantaim ol Falcons.

Jacklyn Kimala i raitim