OIL Search i bin sainim neming rait sponsasip bilong PNG Okid long apim dispela kempein bilong 2021 Wimen Wol Kap long Inglan long las wik Fonde.

Long wankain taim tu Siaman bilong PNGRFL Sandis Tsaka i bin tokaut long nupela siameri bilong Oil Search PNG Okids Ekseketiv Bod (EMB) Okaro Yogi wantaim sapot bilong Oil Search.

Yogi bai senisim Ruth Waram husat i bin wokim bikpela wok long groim ol Okid na ol wimen gem long PNG.

Kantri Menesa bilong Oil Search Leon Buskens i bin tokaut tu long dispela neming rait sponsasip agrimen olsem dispela long surukim sponsasip komitmen bilong las yia we i no bin yusim long en na dispela i muvim kam long dispela yia Wol Kap,” Buskens i tok.

“Dispela ragbi lig Wol Kap bai go het long Oktoba na ol Okid bilong mipela i gat intenesenel mets na redi long bikpela ragbi lig i save kamap bihain long olgeta foapela yia,” Buskens i tok.

Siaman bilong PNGRFL Sandis Tsaka i tok dispela gem bilong ol meri i bin gro long las foapela yia na mekim ol Oil Search long sapot.

“Oil Search i bin kam long bod long 2017 long strongim ol meri husat i mekim ap 50 pesen bilong populesen na invesmen bilong ol insait long wimen ragbi lig,” Tsaka i tok. “Namba wan intenesenel  Tes win bilong ol long taim ol bin winim Inglan long 2019 long hom graun.”

Oil Search PNG Okids nau ol stap long namba 4 ples long Wol na bai go insait long 2021 RLWC na wantaim sapot bilong Oil Search olsem Neming Raits Sponsa, ol tim bai mekim gut long impruvim dispela mak.

Em i tok Oil Search i no sapotim ol nesenel wimen tim tasol ol i save luksave long divelopmen bilong ol spot insait long komyuniti.

“Ol sapot long dispela grasrut level i soim veliu bilong ol i no long ol elit tasol long grasrut level tu,” em i tok.

“Ol PNGRFL Bod, menesmen na wokmanmeri i welkamim Okaro Yogi na mipela i luk fowat long bildim rilesensip wantaim Oil Search na long ol taim bilong Wol Kap,” Tsaka i tok.

Nupela Siameri Okaro Yogi i tok tenkyu long tupela Oil Search na PNGRFL long makim em olsem na em bai karim dispela wok misin long promotim moe inklusiv bilong ol meri long ragbi gem.

Jacklyn Kimala i raitim