SP Hunters i kolim wanpela nupela yangpela pilaia long werim Namba 6 jesi long dispela wik Sande Intrust Super Cup salens wantaim Brisbane Tigers long Runaway Bay.

Judah Rimbu husat i bin pilai foapela gem bilong Intrust Super Kap sisen bai nau senisim ekspriens pilaimeka Watson Boas husat i bin go bek long Inglan long pinisim kontrak wantaim Lig Wan klap Doncaster.

Doncaster i bin tok orait long Boas husat i bin pairap long 2019 wantaim Featherstone Rovers long surukim taim bilong em long go bikos em laik pilai wantaim Bears long Kokoda Kap. Boas nau lusim Hunters na go long Inglan long las wiken.

Rimbu i bin pilai 70 minit wantaim ol Bears na bin kisim strong long taim bilong kemp wantaim ol Hunters skwat na tu pasim taim wantaim Boas long kamap wankain pilaimeka, bihain long biknem pilaia Boas bin lusim ol go long Inglan.

Rimbu husat i bin pilai long primia Hela Wigmen na i bin kisim ruki bilong yia awot long PNG Digicel Kap kompetisen.

Long wankain taim, Boas na Ipape bai ino inap pilai na tu winga Brendon Gotuno (han bagagarap), Enock Maki (skru bagarap) na Joe Joshua (skru bagarap), kosa Matt Church i bilip strong long Hunters sait long sisen salens we ol bin paia lait long tripela namel long faivpela gem long 2021.

Dispela tupela lus i bin kamap namel long gren fainel tim Wynnum Manly 20-18 opim mets na Bears.

Huka bilong Hunters Puara Jnr husat bai joinim tim dispela wiken bihain long em bin misim salens wantaim Bears bikos long ankol bagarap.

Puara na prop Epel Kapinia tupela wantaim bin kisim (ankol bagarap) bai pasim fitnes tes long kisim ples long Sande taim medikoa tim i lukluk klostu long bagarap han bilong fulbek Terry Wapi husat i bin kisim taim long las raun.

Dispela em bikpela salens taim ol ki pilaia bilong kisim bagarap long wankain taim tasol ol gat strongpela tingting olsem bai mipela mekim gut long dispela taim no gut.

“Hunters bai pilai long Sande mets long namba 4 ples tai mol Tigers i stap long namba 9 ples bihain long tupela win bilong ol namel long faivpela mets.

Gem bai stat long 3 klok apinun long Sande 9 Mei, 2021 long Runaway Bay.