DIGICEL Kap bilong 2021 i mas bihainim ol daireksen poin bilong Komisina na Kontrola bilong COVID-19 David Manning aninit long ol seksen namba 9(a), 9(d), 39 na 42 na olgeta arapela seksen bilong Nesenel Pandemik Ekt 2020 na Nesenel Pandemik Mesa 9.

Long bihainim ol poin; olgeta mets i mas pilai long Mosbi na Lae na bai no gat sapota i go lukim ol gem  na Nesenel Ragbi Lig ol tim, pilaia na ol sapot wokmanmeri i mas strongpela COVID-9 seifti protokol.

Singaut i go long olgeta 12 Frensais klap wantaim sapot wokmanmeri long strongim gut ol banis protokol bilong COVID-19 wantaim ol mesa bilong Nu Nomol.

Mista Manning i givim daireksen long Nesenel Ragbi Lig Kompetisen Digicel Kap i mas pilai profesenel ragbi mets wantaim ol strongpela banis protokol.

Long kamapim Nu Nomol o Nupela Pasin em olgeta tim, pilaia na sapot wokmanmeri i mas harim tok na strongim Nesenel Lig Kompetisen COVID-19 seifti Protokol.

Jacklyn Kimala i raitim