PRAIM Minista James Marape i bin mekim opisal welkam long Intenesenel Profesenel Boksa, Roldan Aldea, Mark Sales na ol Wol Boksen Asosiesen (WBA) Asia Mets long Papua Niugini long las wik.

Tupela Intenesenel Boksa i bin kamap long Pot Mosbi long 14 Epril, 2021 na stap long 14-de kwarentin long Sanctuary Hotel.

“Mi amamas long welkamim dispela tupela boksa; Roldan Aldea na Mark Sales na tim bilong ol insait long kantri, maski COVID-19 protokol mesa i stap long kisim gutpela helt kea bilong olgeta taim ol i stap long kantri,” Marape i tok.

Filipino Embeseda long PNG Bienviendo Tejano i tok tenkyu long Praim Minista James Marape long sapotim Filipin Gavman olgeta taim olsem lida bilong nesen.

Mista Tejano i tok tenkyu tu long Minista bilong Haia Edukesen na Spot Wesley Raminai wantaim Kontrola na Polis Komisina David Manning na tim bilong em long tok orait long holim dispela spesel bung bilong ol profesenel boksa long Pot Mosbi.

Oceania Fight Promosen (OFP) menesmen na dispela intensenel mets opisal i bin kisim gutpela 14-de aisolesen bihain long bikpela pait bin kamap long Sande 25 Epril, 2021.

Dispela em bikpela sans bilong dispela ol yangpela boksa long go het long apim nem bilong kantri na plai antap wantaim boksen piksa long tupela kantri wantaim. Long PNG, dispela i ken surukim rot bilong boksen kod long kantri wankain long narapela tu; PNG na Filipins

Gavman bilong James Marape i bin sapotim dispela boksen na bai go yet long sapotim long ol narapela yia bikos dispela i givim moa veliu na strongim ol yut divelopmen long kantri bilong mipela,” Praim Minista Marape i tok.