OL spot long kantri bai stat klostu taim sapos olgeta pipel long kantri harim tok na bihainim COVID-19 protokol long pablik ples na olgeta hap.

Maski hevi bilong COVID-19 i salensim yumi olgeta pipel long olgeta hap bilong wol, we i pasim rot bilong spot etlit long trevol go kam na pilaia.

Dispela em bikpela samting long kantri tasol wan wan lokal spot olsem Ragbi Lig i redi nau long statim sisen bilong ol.

Wanpela biknem volibal klap Phoenix  tu i go het wantaim trening bilong ol long POM Gramar skul fil na redim ol long Pot Mosbi Volibal Kompetisen i save kamap olgeta yia.

Olgeta sinia meri na man wantaim i trening stap long lukautim dispela spirit bilong pilai na no ken lus tingting long stail bilong gem.

Jacklyn Kimala i raitim