SP PNG Hunters i pundaun sot long Kokoda Kap mets long raun 5 klasik Intrust Super Kap las wik Sande.

Burleigh Bears i pilai strong na lokim Kokoda Kap 3-pela taim nau taim PNG Hunters pait strong inap ol i pundaun sot long rot na Bears i win 25-18 long Pizzy Pak bihain long bikpela Anzac De manmeri i holim Kokoda Kap namba tri taim.

Maski Bears i go pas long mets tasol Hunters fulbek Terry Wapi husat i kisim sans long pait bek bihainim kik na skoa insait long 69 minit.

Taim Hunters i bin lukim strongpela difending sempian Bears kikim bal long faiv-eit Tanah Boyd na i givim Beau Fermor bilong Gold Coast Titans long putim namba 3 trai. Dispela bin pasim dua bilong Hunters long stilim bek Kokoda Kap long namba wan taim.

Hunters i bin win tripela taim na lus tupela taim na bai malolo dispela wiken long larim Kosa Matt Church long givim taim long kepten Ila Alu, biknem pilaia Wartovo na pawaful fowat Epel Kapinias long malolo.

“Dispela em trupela fisikol salens long raun 5 we i lukim tupela tim i pait long kisim Kokoda Kap tasol bikpela luksave mas go long Burleigh Bears bikos ol i pilai naispela futbal,” Church i tok.

Hunters bai malolo long dispela wik na kam bek long raun 6 wantaim ol Brisbane Tigers long Me 9, 2021.

Jacklyn Kimala i raitim