OL Oceania Fighting Promotions  boksen resis bai kamap long dispela wiken long Pot Mosbi.

Dispela boksen resis inap long kamap las yia tasol hevi bilong COVID-19 i bin surukim kam inap nau ol bai holim olsem namba wan histori pait bilong Papua Niugini.

Mein bung bilong dispela em pait namel tupela ki boksa, Raka Kauko Jnr na Roldan Aldea bilong Filipino. Bihainim long tupela em bai lukim ol Intenesenel Bout namel long Andrew Aisanga (PNG) V Mark Sales (Filipino).

Long wankain taim em ol lokal Profesenel Boksa bilong ol eitpela Lokal Bouts we bai resis namel long ol yet long lukim husat i gat bikpela bun bilong boksen.

OFP i askim olgeta sapota i mas kamap long lukim dispela bikpela pait namel long tupela intenesenel resis na ol lokal bikos dispela em namba wan histori bilong PNG.

Gavman na ol sponsa i mas sapotim dispela spot long kain kain rot long gutpela bilong ol talen boksa na kantri wantaim bikos ol bai putim nem bilong kantri long mep.

Jacklyn Kimala i raitim