DISPELA 2021 Intrust Super Cup mets i bin stat wantaim bikpela hevi bilong COVID-19 tasol SP PNG Hunters pilim olsem ol pinisim pri-sisen bilong ol taim long salensim Mackay Cutters long raun 3 las wik Sarere.

Dispela i bin kamap bihain long wanpela wik Ista malolo wantaim 1-1 lus rekot namel long Wynnum Seagulls na strongpela win ova long Ipwich Jets.

Kosa bilong Hunters Matt Church i tok ol skwat bilong em i redi pinis long ol arapela sisen salens we bai fitsa moa wantaim malolo bihainim senis long hevi bilong COVID-19.

“Nau mipela i gat 3-pela moa mets long kisim narapela malolo na kam bek gen long narapela 3-pela moa salens na bai olsem na mipela liklik long blok sisen,” Church i tok.

“Tasol mipela i pilim stret strong mipela i gat long dispela pri-sisen bilong mipela pinis nau bikos mipela i gat sans long pilai wantaim long apim ol bipela lo na senisim mets fitnes bilong mipela bikos dispela em bikpela samting long Intrust Duper Kup kompetisen,” em i tok.

“Mipela i redi long ol arapela pri sisen salens bai kamap naeml long mipela wantaim ol arapela klap long traim strong bilong COVID-19 na tu sisen salens,” em i tok.

Moa long 200 ol Mackay PNG Komyuniti i bin sapotim ol Hunters long hom gem bilong ol Mackay long BB Print Stedium.

Jacklyn Kimala i raitim