WANPELA ragbi lig tim bilong ol meri long Madang taun “Tarangau” i redi long salens long Madang Ragbi Lig kompetisen we i save kamap olgeta yia long Madang Provins.

Dispela sisen em i save bungim olgeta klap bilong Madang taun wantaim ol sampela ol pilaia i save stap long ples na kam joinim kompetisen.

Olgeta meri bilong Tarangau tim i save beis long Madang taun na stap long hap wantaim sampela nupela i bin joinim klap long trening wantaim na redim ol yet dispela 2021 sisen.

Tarangau em wanpela strongpela tim we i gat planti ol pilaia bilong Hailans wantaim ol asples long pilai ragbi lig.

Ol wan wan meri i tokaut olsem bikpela tingting bilong ol long strongim nem bilong klap na kamap olsem wanpela famili olgeta taim bilong sisen salens.

Wanpela ki pilaia bilong ol Tarangau Prizie i tokaut olsem ol klap i wetim kompetisen long stat na ol bai soim talen bilong ol insait long Ron Albert Oval.

Planti bilong ol dispela pilaia i bin makim Madang provins na pilai raun pinis long Lae, Goroka, Jiwaka na Mosbi tasol ol i wok strong long karim nem bilong provins na klap nem wantaim.

Dispela yia em bikpela hevi bilong COVID-19 we i daunim tingting bilong trening tasol dispela i no stopim dispela skil na strong bilong ol long ragbi lig. Olsem na olgeta i go het wantaim trening stap na redi long statim dispela nomol kompetisen.

Olgeta klap bilong Madang manmeri wantiam i redi long statim kompetisen wantaim amamas.

Jacklyn Kimala i raitim