Intenesenel Ragbi Lig i makim Troy Grant olsem nupela Siman bilong ol.

Troy Grant nau  independen dairekta i bin stap Deputi Siman long Bod bilong Intenesenel Ragbi Lig (IRL) ol i bin makim em olsem Siaman.Em i senisim Greg Barclay husat bai stap long Bod olsem independen dairekta. Mista Barclay i bin lusim dispela sia bihain long ol i bin makim em olsem Siaman bilong Intenesenel Kriket Kaunsil (ICC).

Troy Grant i bin wok inap 30 yia olgeta na bildim planti gutpela pablik sevis long ol pipel bilong New South Wales long Gavman, Lo Enfosmen, Imejensi sevis, Sosel Jastis, spot, komyuniti na gutpela wok. Ragbi Lig i bin namel hap long wok laip bilong em olsem bal pilaia, junia kosa, referi na Lig edministreta. Bubu man bilong em i bin pilai long 1900 long Newcastle rijon long Australia taim bubu man na papa olsem skul boi.

Mista Grant i bin kamap orijonal independen dairekta bilong IRL long Februeri 2020 na i bin go pas long wok long ol gem wantaim COVID-19 pandemik. Em wanpela bilong ol piksa long helpim ol NRL Projek Apolo na Inovesen Komiti we i save menesim ol kam bek bilong pilai bihain long COVID-19 saspensen na givim sans long wanpela referi model long NRL.

Tony Grant i tok, “Mi pilim amamas long kamap Siaman bilong Intenesenel Rabgi Lig long dispela bikpela taim bilong luk fowat long Wol Kap long pinis bilong dispela yia. Mi gat laip taim wok komitmen long spot, na mi gat bikpela tingting long wol spot.”

“I gat sampela ol salens i save lukim wok spot na ragbi lig em i no gutpela long wol pandemik na ol wok na kos salens. Na tu mi bilip olsem i gat ol bikpela sans  long wanem ol samting ol bin kamap long spot. Dispela taim nau em bilong IRL long senis go kamap nupela spot bodi wantaim bikpela histori i ken strongim rilesensip long olgeta hap bilong wol lig famili we ol komyuniti i bung wantaim, em wanpela bikpela strong bilong ol na daunim sampela hevi bilong ogenaisesen.”

“Mi luk fowat long go het na wok wantaim ol arapela dairekta na ol membasip long givim gutpela sevis bilong wanem olgeta ragbi lig sapota i laik; dispela intenesenel kalenda save givim biknem long ol pilaia, pren, na ol komyuniti bilong ol na nesen long olgeta hap bilong wol.”