OL PNG Futbal Asosiesen na ol Wimen Nesenel Soka Lig (WNSL) Stending Komiti i saspendim pinis dispela 2020-2021 WNSL fanel resis.

Kompetisen Dairekta bilong PNG Futbal Asosiasen Paul Isorua i bin toksave long ol foapela klap husat bai pilai long fainel em; Poro FC, Sepik FC, NCD Hekari Yunaitet na FC Genesis long saspendim fainel resis bihainim toktok bilong Nesenel Pandemik Kontrola David Manning husat i stopim olgeta spot bung.

PNGFA i tingim helt na seifti bilong ol pilaia, opisal na sapota wantaim olsem na ol i bin bungim wanpela tingting long kamapim dispela disisen long pasim pastaim olgeta samting bilong ranim soka gem na bihainim COVID-19 Protokols.

Isorua i tok dispela disisen i bihainim Pandemik Ekt Kontrol Mesa No. 9 Bisnis na Sosel Mesa (Poin 2) na (Poin 7). Dispela Poin 2 kolim ol- olsem dispela sik i kamap long pablik eria moa long 10 pipel taim Poin 7 i tok long pasim ol bikpela spot ples bilong ol klap i save trening long en. Olsem na Tim Spot olsem futbal mets na trening sesen em bai no gat.

“Mipela tu i tingim ol komyuniti long seifti bilong ol. Olsem na olgeta klap i mas pasim gem, trening na ol arapela bung bilong ol aninit long dispela disisen inap ol kisim tok orait.

Em i tok olgeta long lukautim yu yet na bihainim COVID-19 protokol long dispela taim no gut na wasim han olgeta taim, werim mask na stap longwe long narapela bikos COVID-19 em tru.

Jacklyn Kimala i raitim