POT Mosbi Ragbi 9’s i tokaut klia olsem COVID-19 sik em tru na em kam long stap olsem na yumi olgeta i mas bihainim ol COVID-19 Protokol long helt na seifti bilong yumi wan wan.

Dispela ragbi 9s i save kamap olgeta yia na nau em bai stat tasol COVID-19 pandemik i blokim trening ples bilong olgeta spot bodi long kantri olsem na harim tok bilong dispela sik.

Operesenel Menesa bilong PRL Mista Macke Mahino i bin tokim Wantok Niuspepa olsem harim tok em namba wan marasin bilong COVID-19. Olgeta pilaia bilong PRL 9’s husat i redi long salens long dispela i mas harim tok bilong gavman.

“Mipela i no gat pawa long statim dispela kompetisen sapos gavman i tok no gat long gem, na trening ples bilong ol pilaia bikos dispela em bikpela hevi,” Mahino i tok.

“Mipela i laik askim olgeta klap long rejista aninit long ol COVID-19 Protokol David Manning,” Mahino i tok.

PRL i redi tasol long kisim wanem kain disisen PNGRFL bod i mekim wantaim long statim dispela yia sisen. Na tu long tingim seifti bilong olgeta klap pilaia na ol sapota wantaim.

Dispela 9’s sisen bai no inap ranawe tasol COVID-19 em tru, olsem yumi olgeta i mas harim tok na bihainim ‘Nupela Pasin’.

Jacklyn Kimala i raitim