PAPUA Niugini Olimpik Komiti (PNGOC) i bin selebretim ol Wimen long Spot long Intenesenel Wimen De na toktok moa long meri lidasip posisen, strong bilong ol meri long ol Gem na promotim ol wok ol ogenaisesen i save wokim long eria bilong jenda ikwaliti.

Spot em wanpela bilong ol pawaful pletfom long promotim jenda ikwaliti na empawarim ol mama na yangpela meri wantaim. Planti bilong ol PNG meri i bin bung wantaim long groim lidasip posisen long ol spot.

Stat long 2016 i go 2020 i bin gat 60 pesen bilong ol meri i bin makim PNGOC Bod. Long 2020 dispela namba em go daun long 40 pesen namel long ol ogenaisesen yet, tasol 60 pesen bilong ol wokmanmeri insait long ogenaisesen em ol meri tasol wantaim Jenerel Sekreteri Auvita Rapila, husat tu i Pasifik na PNG namba wan Intenesenel Olimpik Komiti (IOC) Memba na sindaun long foa IOC Komisin.

Wankain olsem Jenerel Seketeri i gat sampela ol meri long spot husat i save holim wankain lidasip posisen. Karo Lelai em nau Presiden bilong ol PNG Basketbal Federesen em tu i Sia bilong Asosiesen bilong Nesenel Olimpik Komiti Etlit Komisin na Oceania Nesenel Olimpik Komiti Etlit Komisin.

Tamzin Wardley i bin kisim luksave awot bilong em long wokim gutpela sevis long ol Spot Edministresen long 2020 long PNG. Long wankain taim tu Tamzin i bin sevim PNGOC Bod olsem Tresera, na nau em Ekseketiv long Pasifik Gems Kaunsil olsem Vais Presiden bilong Fainens.

Planti yia i go pinis i bin gat planti gutpela meri husat i bin holim taitel bilong Chef de Mission long makim ol gem bilong Tim PNG. Dispela ol meri olsem Tamzin Wardley, nau em stap olsem Tim PNG Chef de Missions long Tokyo 2020 Olimpik. Tamzin i bin sevim olsem Chef de Missions long planti wok long sampela Commonwealth na Pasifik Gems.

Ol dispela meri bilong PNGOC memba nesenel federesen, nau i holim ol posisen long wan wan rijonal spot bodi bilong ol na ol intenesenel federesen, Karo Lelai (Basketbal-FIBA Ekseketiv), Barbara Stubbings (Oceania Tennis Federesen Ekseketiv), Elizabeth Wells (Oceanis Swimming Asosiasen Ekseketiv), na Mel Donald (Oceania Shooting Federesen). Olpela Meri Vais Presiden, Emma Waiwai em makim Oceania long Intenesenel Wok Grup long Wimen na Spot.

Sempian bilong dispela ol PNGOC Jenda Ikwiti Komiti em Sia Iammo Launa,OBE. Iammo i bin lukautim 2019 hall bilong fame long ol PNG Spot Hall ov Fame, nau em Meri Presiden long PNGOC. Antap long dispela wok, Iammo em Vais Presiden bilong ol PNG Netbal Federesen, Ekseketiv long PNG Kungfu Wushu Federesen, Presiden bilong ol PNG Olimpik pilaia Asosiesen na long taim ol Ekseketiv Dairekta bilong ol PNG Spot Faundesen (2009-2013).

Planti namba bilong ol wokmeri insait long fil i save gro long lidasip na long spot wantaim.

Ol meri etlit i go antap long 45 pesen bilong Tim PNG. Ol meri etlit i save sapot moa long 50 pesen bilong Tim PNG Gol medol stat long 2011. Na tu ol meri etlit tasol i bin winim 54 pesen bilong gol medol long Tim PNG long 2011 Pasifik Gems, 56 pesen Tim PNG Gol medol long 2013 Pasifik Mini Gems, 56 pesen Tim PNG Gol medol long 2015 Pasifik Gems na 67 pesen bilong Tim PNG Gol Medol long 2019 Gems.

Jenerel Seketeri bilong PNGOC Auvita Rapilla i tok, “Mipela bai i no inap go antap long dispela kain mak bilong posisen sapos i no gat sapot bilong ol wokman bilong mipela na ol famili wantaim.”

Olsem sosel ogenaisen na memba bilong ol Olimpik Muvmen, ol PNGOC i setim nek bilong ol meri long spot i mas kamap ples klia. PNGOC i stap wankain long promotim jenda ikwaliti na bai olgeta meri long olgeta hap bilong PNG i mas kisim wankain rispekt na sans long ol spot.

Rapilla i tok, “Mipela i go het long promotim jenda ikwaliti bihain Jenda Ikwiti Komiti na program bilong mipela”. Long makim ol meri long PNG Spot Indastri tude, meri go insait long spot indastri i ken luk ap long dispela ol eksampel na kisim ples na save olsem i gat ol wan wan pipel na ogenaisen ausait husat i gat gutpela ol meri long makim wok na ikwiti wantaim.