TUPELA hiro bilong Tim PNG Sharon Toako na Poro Gahekave i bin joinim ol distens rana long Nesenel Spot Institu (NSI) long las wiken long Goroka Isten Hailens Provins.

Dispela go bilong ol long Goroka em plen bilong givim sampela gutpela ol skul tok long ol etlit na tu mekim ol malolo bihain long dispela 3-pela mun intensiv trening program na long salens long ol trael na skelim fitnes mak bilong ol.

Presiden bilong Etletiks PNG Tony Green i bin tok tenkyu long Dairekta bilong NSI Janet Gimots long holim dispela ol etlit long wiken na tu long sapotim ol Etletiks Program olgeta.

Toako na Gahekava tupela wantaim i bin kam bek long USA las yia bihain long pinisim Yunivesiti stadi bilong tupela na i bin joinim ol Tim PNG Hero program long Novemba. Toaka i bin toktok long sesen long nutrisen na Gahevake i bin karapim jenda beis vailens na ol wok bilong ol elit. Ol wokmanmeri bilong NSI Kylie Martens na Dairekta Gimots tu i bin kisim sans tu long toktok long Anti Doping awenes sesen.

Ol Tim PNG HERO Program em PNG Olimpik Komiti etlit embeseda program na i save givim sans long divelopim ol etlit long kamap lida insait long spot na komyuniti wantaim. Dispela tok ‘HERO’ i soim piksa bilong ol bikpela veliu bilong em PNGOC core values bilong Honesty, Excellence, Respect na Openness.