POT Mosbi Ragbi Lig (PRL) i redi long statim ragbi 9s sisen long neks wik.

Dispela 9s sisen i save kamap olgeta yia long bungim olgeta nupela na olpela meri long resis na tu stap long fom bilong ragbi lig. Ol meri i save pilai long olgeta hap bilong Mosbi bai kamap long dispela resis.

Nau em taim bilong trening na lainim ol yangpela meri husat i no save pilai ragbi bipo na laik traim bun bilong lig. Ol i mas kam joinim ol klap i gat ekspriens pilaia long lainim na kisim strong long ol.

Planti yangpela meri i gat bikpela laik long ragbi na givim moa taim long trening. Na tu dispela hatwok bilong ol bai soim insait long fil.

PRL 9s i laik strongim ol yangpela pilaia long kamap namba wan pilaia na tu long redim ol long PNG Gems bai kamap long Novemba dispela yia.

Olgeta sabeb eria long Mosbi i statim trening bilong ol long dispela wik Mande na redim tim long dispela PRL 9s salens.

PRL 9s salens i setim olgeta protokol bilong ol pilaia na sapota wantaim insait na ausait long fil na bai no gat wanpela hevi i ken kamap namel long referi, sapota na pilaia.

Dispela sisen i laikim gutpela kompetisen namel long olgeta tim na tu rispektim wanpela narapela long taim sisen i stat.

Divelopmen bilong ol pilaia i save kamap long wan wan klap trening bihain long gem sisen salens.

Jacklyn Kimala i raitim