OL PNG Etlietik Ko­myuniti i bin tok sori long Sophia Marai hu­sat i bin dai long Pasifik Intenesenel Haus sik long 23 Februeri 2021 bihain long em bin ki­sim sik.

Sophia bilong Tarawai Ailan long Is Sepik Provins i wanpela ek­tiv memba bilong PNG Etletik family long sampela yia i go pinis. Olsem yangpela meri husat i bin stat wok olsem tisa long Koko­po Hai Skul long 1988, em i gat interes long spot bilong Etletik na tu i bin painim ples in­sait long lewa. Wantaim Bob Snow, Leit Sailas Tita Lazarus Bureng na Rex Novulu, em bin stat kamap kosa bilong ol yangpela etlit na ra­nim wiken kompetisen.

Etlit olsem 1991 South Pacifik Games 100m sempien Ezekiel War­tovo, na tu Elizabeth Kamilus na Rosa Ma­ria i orait long resis wankain na go het long ran bilong ol bikos long komitmen tisa olsem Sophia i save sapot olgeta taim. Em i bin kosa bilong Elizabeth long salensim Naomi Polum long namba wan Pacifik Games long 1991. Tupela i bin mekim patnasip long tisa na go het long Pot Mosbi Etletik Asosiesen inap 2017 taim Sophia i bin stat sik.

Sophia i bin sevim ol­sem Ekseketiv Memba bilong Etletik PNG long 2000 i go 2017. Profesenel na save bi­long em long lainim ol yangpela manmeri em namba wan long bod. Em bin sevim etletik tim opisal long faivpe­la bilong ol sikis Pas­ifik Games stap namel long 1995 na 2015 na planti arapela inte­nesenel bung olsem Mini Pasifik Games na Oceania Sempiansip. Nau olgeta etlit i save kolim em mams So­phia.

Trupela wok bilong em long laip, em pikinini man bilong em Nazmie Lee husat em i bin lu­kautim olsem mama. Wantaim sapot bilong em olsem kosa na tisa, Na tu i bin go antap long nesenel mak na mekim mama bilong

 em amamas taim ol i bin makim em long Pasifik Games long hom graun long Pot Mosbi 2015.

Olgeta etletik famili long PNG na olgeta bai misim Sophia. Long makim maus bilong Etletik PNG Ekseketiv, olpela na nau etlit, kosa na opisal, mipela i laik salim sori bilong mi­pela long pikinini man bilong em Nazmie Lee, Maurice na An­nette na long ol ara­pela memba bilong family.