SIR John.N.Dawan­incura i bin tingim bek planti memori bilong Sir Michael Somare na Ledi Veronica long taim bilong Mini South Pasifik Games na PNG Commonwealth Games wantaim ol etlits bilong PNG.

“Mi tingim long 1985 long Mini South Pacifik Games long Raroton­ga, Cook Island long Etletik Stedium taim Takale Tuna i bin winim 4-pela Gol Medal long Trek resis taim Sir Mi­chael i bin stap long dispela Pasifik Ailan Bung.”

“Mi bin lukim Sir Mi­chael i bin lusim aiwara long taim ol bin pre­sentim namba wan Gol Medol long Takale na singsing Nesenel An­tem na apim PNG Plak i go antap.

Long 1975 indepen­dens Tim PNG i bin makim PNG na flaim plak bilong mipela long olgeta gem. Sir John i bin amamas long soim PNG Plak long 1979 South Pacific Games long Fiji bihain tasol long independens. Dispela plak i bin givim mipela (PNGOC) i kam long famili bilong Ross MacLean husat i bin Swiming Tim Menesa bilong ol Gem.

Long 2006 Common­wealth Games long Melbourne Sir Michael na Ledi Veronica i bin kamap long ples balus na i bin wanbel long PNG Commonwealth Games Asosiesen nau ol kolim Papua Niugini Olimpik Komiti bai lu­kautim olgeta spot Pro­tokol bilong gem.

Sir Michael na Ledi Veronica i bin go lukim Games Viles na meja ples bilong ol etlit na opisal bilong olgeta nesen i ken stap na salens.

Long makim maus bilong Bod, Menesmen na wokmanmeri bilong PNGOC mi laik tok sori long Ledi Veronica na ol famili bilong Somare. Olsem nesen mipela kisim dispela lesen Sir Michael i bin lain­im mipela long en. Sir Michael eksen bai stap olgeta long dispela Nesen Papua Niugini.

Malolo wantaim Bel Isi bilong oltaim Gren Sif.

Jacklyn Kimala i rai­tim