SP PNG Hunters tim i givim dis­pela 2021 Intrust Super Cup resis long Gren Sif Sir Michael Thomas Somare olsem mak bilong sori na tu long kisim bek dispela kantri long stap Independen Stet bilong em yet Papua Niugini.

Sir Michael i pulap long visen na bin muvim dispela nesen kamap in­dependen stet, sapos em i no bin tok orait long visen bilong em, ating mi­pela PNG Hunters bai no inap trevol ovasis long pilai spot.

Sir Michael i bin dai long 26 Febru­eri 2021, bihain tasol long Hunters tim i bin lusim Pot Mosbi na go daun long Australia long 21 Februeri 2021. Na dispela i mekim olgeta Hunters sori long Papa bilong dispela nesen.

“Mipela i no inap kam daun na re­sis long dispela 2021 Intrust Super Cup tasol bikos long Sir Michael, man husat i bin putim rot namel long tupela kantri long olgeta spot bodi i ken pilim fri long muv raun na sal­ens,” Wanpela pilaia bilong Hunters i bin tok.

Spot olsem ragbi em kamap wok bilong ol pikinini husat i kam aut long skul sistem na stap nating. Na tu long divelopmen bilong dispela nesen ol­sem na bikpela bel sori bilong olgeta Hunters pilaia i go long famili bilong Sir Michael Thomas Somare.

“Mipela bai traim pilai strong na dediketim dispela 2021 sisen long Sir Michael Somare olsem mak bi­long sori.”

 Jacklyn Kimala i raitim