PNG Kapul tim seleksen bai bihainim wankain trening mak bilong PNG Nesenel Tim seleksen long tupela hap em, Lae na Mosbi aninit long lidasip bilong tupela het kosa bilong Lae Siti Black Bob Morries na Eric Komeng i trening ol Pot Mosbi Red.

Presiden bilong PNGFA John Kapi Natto i tok tenkyu long gutpela wok bilong PNGFA meri komiti long bikpela wok bung bikos dispela kompetisen bai no inap ran sapos no gat gutpela koperesen na sapot bilong komiti na klap.

“Mipela i no gat meja sponsa bilong dispela WNSL kompetisen, tasol mi laik tok bikpela tenkyu long B-Mobail husat i bin kam long bod na sapotim wantaim K240, 000 mani long Lae, Madang, Goroka na Mosbi olsem komyunikesen patna bilong mipela na tu ol CPL na bikpela wan long FIFA i bin sapotim WNSL wantaim US$500,000 long promotim Wimen Futbal,” Kapi Natto i tok.

“Mipela i painim ol rot bilong ol etlit pilaia long kalap go antap long narapela mak o pletfom long 2023 Wol Kap,” em i tok.

Em i tok Man Nesenel Tim seleksen trening bilong Nation’s Cup bai kamap long Jun long Lae na tupela Nesenel tim i statim trening pinis.

Dispela em gutpela mak bilong WNSL long kantri bilong wanem, PNG wimen futbal em stap namba wan tim bilong ol Pasifik kantri.

Jacklyn Kimala i raitim