OL Papua Niugini Nesenel Ragbi Lig Kompetisen (PNGNRLC) i painim wanpela man o meri long menesim Nesenel Ragbi Lig Kompetisen bilong Digicel Kap.

Siaman bilong PNGNRLC Adrian Chow i tok dispela posisen i stap nating bihain long Stanley Hondina i bin lusim na kamap CEO bilong Papua Niugini Ragbi Lig Futbal Lig (PNGRFL).

Chow i tok gutpela apliken i mas save long olgeta lo bilong NRLC Koperet plen na implementesen bilong ol.

“Ol arapela wok olsem kodinesen na rilesensip wantaim Frensais, opisal, komesel patna, midia, gavman na arapela ejensi; plen, tok na kamapim nupela komesel plen, givim stretejik na operesenel lidasip bilong ragbi lig kompetisen long NRLC; Wok bung wantaim narapela menesa long futbal operesen olsem kopret afeas na maket; lukluk raun na putim ai long ol opisa wokmanmeri na narapela gem de opisal long olgeta hap bilong kantri na save long kompetisen nid bilong gem opisal na edministreta na strongim rilesensip wantaim ol menesa gem divelopmen long kamapim program long bungim nid,” Chow i tok. “Na tu givim ol baset ripot na arapela ripot long NRLC Bod long taim, tingting long kompetisen nid long divelopmen bilong ragbi lig kompetisen long PNG na Divelopim na strongim rilesensip wantaim konfederet lig.”

Em i tok dispela man o meri i mas gat Batsela Digri long Bisnis na Spot wantaim; MS Office skil, i gat 3-pela yia ekspriens olsem senia spot edministresen wantaim ol wankain ekspriens long ranim kompetisen; save moa long ragbi lig operesen long PNG; soim intapesenel na oral komyunikesen skil long bung wantaim ol etlit, kosa, trena na ol edministreta.

Chow i tok dispela gutpela apliken bai beis long Pot Mosbi na kopret gut olgeta PNG sitisen.

 “Plis salim olgeta Eplikesen wantaim pon namba long email: This email address is being protected from spambots. You need JavaScript enabled to view it.; postal na email adres,” em i tok.

Siaman Chow i tok eplikesen bai pas long 4 klok apinun dispela Fraide 5 Mas, 2021. “Ol bai ringim ol kendidet bihain long seleksen na toktok wantaim ol,” em i tok.