WANPELA yangpela meri husat i gat 17 krimas na nem bilong em Venesha Bokan bilong
Wabag, Enga provins.

Venesha i gat bikpela driman long bihainim na pilai ragbi tasol mama bilong em i save
stopim em long pilai dispela gem bikos ol tingim skul bilong em.
Taim em bin gret 8 long las yia, em i save joinim ol Anda-20 divelopmen skwat na skul ragbi
lig long trening na pilai wantaim. Long dispela yia em laik long joinim ol Off-sisen na Sab-eb
kompetisen bikos dispela em namba wan spot bilong em.
Tupela mama na papa bilong em i save tok no gat tasol em bai hait na ranawe long pilai ragbi
inap nau em mekim gret 9.
Venesha i bin trening planti na nau em luk orait long pilai long bikpela kompetisen kain
olsem las wik Sande em bin pilai 9s long Kaugere.
Em bin divelopim ragbi skil bilong em long taim em stap long praimeri skul bikos em i save
bihainim ol bikpela sinia meri husat i save pilai ragbi raun long olgeta fil.
Em i tok dispela yia em taim bilong joinim tim na stat pilai bikos ol bin selektim em long
skul kompetisen.
Venesha i gat gutpela talen long ragbi lig na dispela i putim em long neks level nau.
“Mi laik pilai ragbi na skul wantaim bikos em bikpela driman bilong mi, long stap insait long
wanpela Junia divelopmen klap bilong ol meri,”Venesha i tok.

Jacklyn Kimala i raitim