PAPUA Niugini Ragbi Futbal Lig (PNGRFL) i painim wanpela man o meri husat i ken sevim ol Independen Dairekta long Bod bilong PNGRFL na long ki program bilong Bod olsem ol PNG Kumuls, PNG Okids, PNG Nesenel Ragbi Lig Kompetisen, PNG Nesenel Skul Ragbi Lig na long wan wan Provinsal na Konfederet Bod.

Dispela tingting em stap lain wantaim nupela gavanens rifom we PNGRFL i bai bihainim long bringim Independen Dairekta husat i ken apim nem bilong PNGRFL na program wantaim.

Ekting CEO bilong PNGRFL Stanley Hondina i tok husat man o meri kendidet i gat interes i mas putim long pepa na soim ol bod olsem ol i inap long wokim dispela wok wantaim ekspriens na skil bilong ol.

Em i tok ol i mas soim olsem i gat ekspriens bilong spot long olgeta mak; i gat gutpela menesmen na lidasip ekspriens; i gat gutpela netwok ekspriens wantaim pablik na praivet wok bodi olsem gavman ogenaisesen na sanap stret wantaim rait na gutpela pasin.

“Man o meri i mas givim ol yet long sevim PNGRFL long groim na surukim ogenaisesen i go moa; i mas gat inapt aim long pinisim wok bilong Bod membasip; i gat gutpela pasin na skil bilong wok wantaim olgeta kain pipel long kamapim gutpela wok rilesensip wantaim narapela Bod memba, wokmanmeri na ol gem stekholda na sapotim gro bilong spot na membasip bilong ol wantaim PNG Institut ov Dairekta,” Hondina i tok.

Em i tok salim ol aplikesen wantaim apdeit bilong CV na sampela ol sapot pepa i kam long:

Mr Stanley Hondina

a/Chief Executive Officer

PNGRFL

PO Box 1845

BOROKO

National Capital District

Het tok email: ‘Expression of Interest as Director” na salim email long: This email address is being protected from spambots. You need JavaScript enabled to view it.; O go lusim long: Suite 1, National Football Stadium, Laurabada Avenue, Boroko, NCD.

Hondina i tok dispela Aplikesen bai pas long 5 klok apinun long dispela wik Fraide 12 Februari, 2021.