Etletik PNG i mas ranim moa kompetisen sans bilong ol etlit long  Nesenel level na bai i no gat hevi long 2022 Nesenel Sempiansip na 2021 PNG Gems long Novemba.

Seketeri bilong Etletik PNG Phillip Rehder i tok Etletik PNG kalenda bilong 2021 na 2022 i gat bikpela plen bilong dispela yia long domestik kompetisen na PNG Gems long Novemba.

Em i tok dispela ol kompetisen bai kamap bihain long PNG Air Nesenel Sempiansip. Displea kompetisen bai kamap long Jun 25 i go 28 long Kimbe na bai katim daun namba bilong tim.

“Mipela bai ranim tupela kompetisen.  Wanpela em bai kamap long Pot Mosbi long Epril 10 i go 17 na narapela long Kimbe long Jun 5 i go 7. Dispela bai givim moa sans na redim ol etlit long Nesenel Sempiansip long 2022 an PNG Gems,” Rehder i tok.

“Mipela i gat sampela edukesenel program tu bai kamap long dispela yia wantaim ol kosa bilong etlit long bikpela kompetisen. Em bai kisim Tim PNG Hero Trening bilong neks yia etlit long Pasifik Mini Gem na Commonwealth Games,” em i tok.

Em i tok ol bai no inap mekim seleksen nating long dispela sempiansip tasol ol bai lukluk long  pefomens bilong dispela yia 2021 long mekim seleksen bilong 2022 Nesenel Sempiansip.

Jacklyn Kimala i raitim