OL i bin surukim trevol taim bilong SP Hunters long go daun long Kwinslan long las wik Sande 7, 2021 i kam long dispela wik Sande 14, 2021 bikos wanpela memba bilong ol husat bai trevol i bin  tes positiv wantaim COVID-19.

Ekting CEO bilong PNGRFL Stanley Hondina i tok long Fonde 4 Februari, 2021 long 5 klok apinun, olsem olgeta 34 pilaia na wokmanmeri i bin go insait long kwarentin bihainim Kwarentin Plen bilong Kwinslan Helt Atoroti (QHA) na kisim PCR tes.

“Ol i bin kisim ansa bilong ol tes long Fraide Februari 5, 2021 na wanpela bilong ol i kisim positive COVID-19 olgeta em negetiv,” Hondina i tok. “Dispela memba i nau stap long aisolesen na wetim moa wok painim na testing.”

Em i tok ol i bin kisim ansa bilong moa tes wantaim Gene-Xpt long 10 klok nait long Sarere 6 Februari 2021, olsem dispela keis em positiv.

“Antap long dispela infomesen i bin gat bung namel long tupela pati PNG na Australia na kamap long surukim taim bilong tim long trevol i kam long dispela wik Sande 14, 2021,” Hondina i tok.

“Mi no inap kolim nem bilong dispela memba husat i gat positive COVID keis tasol em i stap long aisolesen na mipela i lukluk long welbing bilong olgeta memba,” Hondina i tok.

Em i tok dispela ol trevol tim i bin kamap long telekonferens kolim husat bai mekim gen ol seif pasin, yusim han sanitaisa, werim mask, stap longwe long narapel na stap long kwarentin rum.

Hondina i tok COVID-19 em bikpela hevi long olgeta hap bilong wol na no gat wanpela bai abrus, “Planti laki pipel i stap long dispela wol i bin painim ol yet long mak bilong COVID-19 long spot pipel, wol lida na mipela olgeta,” em i tok.

 Em i tok wanpela bilong  bikpela wok em long mekim ol atoroti i mas seif long joinim Australia Komyuniti long dispela taim bilong wol pandemik.

“Mipela komitim mipela yet 100 pesen long helt na welbing bilong ol Hunters, long Intrust Super Kap tim mipela bai pilai wantaim, na ol komyuniti long Kwinslan ,” Hondina i tok. “Ol na mipela i mekim disisen bilong ol tim bai trevol na surukim kwarentin long narapela moa 7-pela de.”

Em i tok dispela em bikpela disisen. “Mipela i mekim dispela long rispektim gem bilong mipela, tim na ol taim we mipela i bin painim,” Hondina i tok.

Long nau Praim Minista James Marape na olgeta stekholda long PNG na Kwinslan i bin save long dispela keis. Na SP Hunters kosa Mathew Church i tok tim bilong em i bihainim ol protokol long pinisim kwarentin plen long larem ol go daun long Kwinslan.

 “Mipela i wok long ol protokol long ol arapela lain husat i laik lusim PNG tu,” Church i tok. “Sapot i stap long olgeta pilaia na wokmanmeri bilong mipela namel long program long dispela taim.”

Em tok: “Olsem tim mipela i mas sindaun bek long wan wan tim.

“Mipela bai stap longwe long wanpela brata  bilong mipela long dispela rot tasol mipela olgeta bihainim wankain rot wantaim, mipela sanap yunaitet olsem grup.”

 Church i tok ol arapela grup i orait long trevol na dispela disisen i bin kamap long gutpela bilong olgeta long lukautim planti pipel seif.

“Olsem PNG planti ragbi lig, mipela i laik olgeta PNG long stap helti na seif long COVID-19 na lukautim famili, pren na komyuniti seif,” Church i tok.