Thomas Tuchel husat i kamap nupela menesa bilong Chelsea i bin statim namba wan wok bilong em olsem menesa long Bundesliga, wantaim Mainz.

Em i kisim ples bilong Jurgen Klopps long Borussia Dortmund. Kosa wok bilong em i bin stat long taim em i gat 27 krismas long wok wantaim ol yut tim long Stuttgart.

Tuchel i bin kam aut long yut ekademi long Augsburg olsem senta-bek. Tasol taim bilong em olsem pilaia i bin stap wantaim ol lowa divisen long Jemani na lusim bihain long em i bin kisim bagarap long skru bilong lek.

Bihain long dispela em i go stadi long Bisnis Edministresen digri na i lusim pilai. Tuchel i bin go aut long Ralf Rangnick olpela kosa bilong em long Ulm na aksim long wanpela las sans long statim wok bilong em. Rangnick i bin givim sans long Tuchel long Stuttgart. Rangnick i bin givim kosa skul na em i bin kisim wok insait long klap ekademi.

Em i bin stat wok wantaim ol yanpela pilaia, na go het long divelopim em yet olsem kosa long wok wantaim Stuttgart Anda-19 pastaim bihain em i kisim wankain wok long Augsburg na Mainz. Bihain long dispela em i bin winim Anda-19 Bundesliga taitel long 2008/9 wantaim Chelsea fowat Andre Schurrle.

Long Ogas 2009, Tuchel i bin kisim wok bilong sinia kosa long namba wan taim olsem bos bilong Mainz. Em i bin senisim Jorn Andersen  bihain long kap sisen bilong lowa lig oposisen pastaim long lig kempen i bin kamap.

Dispela klap i bin go bek long Bundesliga na dispela wok bilong lukautim ol long divisen i no bin seif. Tasol Tuchel i miksim tektikel menesmen skil long soim ol win tripela bilong opening sikis lig mets bilong ol, wantaim 2-1 hom viktori ova Bayern Munich. Ol i pinisim gut namba 9 sisen.

Tuchel na wantok bilong em Klopp i save bihainim wankain wok stail long Jemani.