EDDIE Jones i tok Inglan bai lukluk long “lukautim na senisim” gem plen bilong ol long Sikis Nesen.

Inglan i bin amamas na pinisim 2020 we ol i winim tupela las yia Sempiansip na Autumn Nations Cup.

Tasol ol i bin tanim long prektikel stail, we Jones i bin kamapim kwaliti gem long klaimet sait na ol rot bilong gem.

 “Maski mipela i no pilai gut olsem mipela i ken na mipela laik pilai gutpela gem,” Jones i tok.

 “Gol bilong mipela long Sikis Nesen em long pilai kwaliti ragbi. Dispela em i no wanpela samting long kikim bal hamas taim bikos dispela em kwaliti bilong ragbi yu pilai.”

Inglan i stat strongim difens taitel wantaim Scotland long Twickenham long Februeri 6.

Scots tim i bin lukluk long namba wan win long London long 1983, tasol i bin dro 38-38 poin long las resis bilong ol long 2019.

Long ripot bilong Ragbi Yunien Weekly podcast, Jones i bin tok: “Mi bin traim long toktok long midia long wanem na mipela pilai wankain, na ol pipel i bin toktok long dispela. Em i gutpela bikos moa pipel husat i toktok long gutpela bilong ragbi. Mipela laikim rabgi na laikim ol pipel toktok long narapela stail.

 “Mipela i tok: ‘Mipela bai pilai olsem’. Mipela laik long pilai gutpela rabgi em long kisim bal i go long narapela pinis bilong fil na skorim poin. Dispela em mak bilong mipela pilai.

“Sapos mipela i ken ranim na pasim bal long fil, em bai mipela mekim. Sapos mipela i ken kikim bal, em mipela bai mekim.

 “Mipela i lukluk long lukautim na senisim gem bilong mipela. Na dispela gem yu pilai em dipenden long oposisen na ol referi.”