DISPELA Intrust Super Cup, bihain COVID-19 pablik helt, em i redi long statim ful ragbi lig kalenda wantaim Queensland Ragbi Lig tude long rausim 2021 dro bilong primia man stet kompetisen.

Raun 1 bai stat long Mas 20, 2021 wantaim sikis ‘Super Sarere’ mets long welcomim nupela sisen.

Long neks de em Souths Logan Magpies na Burleig Bears bai resis long pasim raun, na namba wan bilong planti Sande resis bai kamap laip long TV olsem hap bilong nupela malti-channel stretji we QRL i bin tok orait pinis.

Long amamasim QRL olgeta stet wantaim olgeta 14 klap husat i bin stop long sisen 2020, ol statim trening na nupela yia pinis.

Dispela wantaim ol PNG Hunters, husat ol bai beis long Queensland long 2021 sisen kompetisen.

Dispela 2021 Intrust Super Cup sisen bai ol pilai moa long 19 raun wantaim hap raun long Raun 8.

Ol top eit klap bai go insait long fainel siris long mun Septemba na pait long winim gren fainel long Dolphin Stedium long Sunday, Septemba 26.

Ol primiasip wina bai kisim namba wan bilong NSWRL Canterbury Cup long gren fainel.

Ol QRL na klap i bin wok bung wantaim long bungim ol komyuniti wantaim long dispela nupela sisen.

QRL menesing dairekta Robert Moore i gat bilip long dispela nupela sisen em redi pinis long kamap wanpela gutpela sisen.

“Wankain olsem ol pren, mi laik lukim ol klap bai kam pefom, i no wantaim ol rosta bilong ol tasol, long wanem kain rot ol bai kisim long futbal wantaim ‘sikis moa’ rul long pilai long dispela namba wan taim long Intrust Super Cup,” Moore i tok.

Moore i tok bikpela wok stret ol i bin wokim long plenim dispela nupela sisen.

“Ol pablik helt hevi dispela yia i bin tromoi wanpela nupela salens bihain long narapela,” Moore i tok.

“Ol pipel bilong mipela long QRL na klap i bin wok klostu wantaim long andastendim dispela hevi bilong pandemic na stopim sisen.

“Mipela i amamas long nupela rot bilong wok na mi ting dispela bagarap bai stap bilong mipela olgeta long amamas long Mast aim dispela sisen stat.’