OLGETA PNG Etlits i mas go long kwalifikesen sistem long wan wan spot bikos hatwok hap bilong olgeta etlits em fainel kwalifikesen rot we ol i no bin setim bilong olgeta spot.

Olsem na i gat bikpela wok bilong ol etlits i stap yet we ol i ken kwalifai long Gems,” Tim PNG Chef de Mission Tamzin Wardley i bin tokim Wantok Niuspepa.

Mista Wardley i tok PNGOC i bin aplai long Wild Card bilong ol sampela etlits long go insait olsem na dispela bai sapotim ol long stap namba wan mak bilong resis.

Em i tok nogat wanpela senis i kamap yet long ol fomat bilong ol Olimpik Gem o long kwalifikesen rot tasol long dispela trevol sait tasol ol i wetim sampela senis bai kamap o no gat.

“Dispela intenesenel Olimpik Komiti na kantri husat bai go pas long holim dispela Gem i wok hat long traim ranim Gem olsem nomol na bai ol toksave long olgeta kantri long ol mun antap,” em i tok.

“Ol PNG i wetim tasol toksave bilong Gems Ogenaisa long sait bilong spesel trevol o kwarentin bihain long ol i ken stretim fainel trevol rot bilong olgeta PNG etlits.”

Em i tok olgeta samting em redi long go bihain long ol i kisim toksave bai i kam long ol Ogenaisa bilong dispela Gems.

Jacklyn Kimala i raitim