PAPUA Niugini Etlits i nidim bikpela trening fasiliti long kwalifai long Tokyo Olimpik Gems bai i kamap long dispela yia.

Dispela em bikpela salens bilong PNG etlits long redi long Tokyo Olimpik Gems bikos yumi i nogat gutpela trening fasiliti bilong ol etlits long stap kompetitiv.

Tim PNG Chef de Mission bilong Tokyo Olimpik Gems Tamzin Wardley i bin tokim Wantok Niuspepa olsem dispela em bikpela salens bilong ol etlits long tren na redi long Olimpik Gems we sampela bilong ol PNG swima na tri-etlits i stap yet long ovasis na kisim gutpela trening tasol planti bilong PNG etlits i stap long PNG hom na painim hat long trening bikos ol i bin pasim olgeta bikpela trening fasiliti na yusim long COVID-19 pandemik na dispela i bin givim hevi long ol etlits long yusim jim na trening senta long liklik taim.

“PNGOC i traim long stretim rot bilong sampela etlits husat i ken go daun na statim trening bilong ol wantaim kosa bilong ol long Australia tasol aninit long COVID-19  trevol rul i mekim mipela hat long stretim rot,” Mista Wardley i tok.

Em i tok PNGOC i bin stretim trening kemp long Nesenel Spot Institut (NSI) long Novemba long helt na wel bing bilong ol swkat taim ol i go het long stap kompetitiv. PNG i gat tupela etlits tasol i bin kwalifai long dispela Tokyo Olimpik Gems em Sailor Teariki na Rose-Lee Numa.

“Spot olsem weitlifting i stap wankain mak long holim onlain kompetisen we ol weitlifta i resis long jim bilong ol yet tasol ol i rejista long onlain na resis wantaim ol etlits long olgeta hap bilong wol.”

Jacklyn Kimala i raitim