PAPUA Niugini Futbal Yunien i bin lusim olpela PNG Pukpuk pilaia na Kosa bilong Nesenel 7’s Douglas Guise long las wik Fonde apinun long Pot Mosbi.

Douglas Guise husat i gat 40 krismas i bin dai long taim em i bin kosim ol Nova ragbi klap. Guise i gat gutpela ripot na kala long wok bilong em long taim em i bin makim ol PNG Pukpuks 15s long planti gem.

Ragbi wok bilong em i bin kamapim em long pilai insait long PNG Ragbi 7’s Siris long namba bilong ol gem.

Em i bin amamas long win bihain long statim pilai bilong em wantaim ol Harlequins klap, na i bin joinim ol Brothers, Wanderers na i bin putim bikpela han long fomesen bilong ol Nova Klap olsem pilaia na kosa wantaim.

Guise i bin pilai wantaim ol Nu Ailan Drongos 7’s tim, we ol i bin pul ov long 2004 MRDC Sevens long winim dispela kap na tu i bin pilai long Aroma Coast 7s long provinsel raun we laikim na eksampel bilong em long ragbi i stap.

Dispela dai bilong em i bin mekim olgeta ragbi pren, famili, na PNG Ragbi Futbal Yunien Asosiesen long stap wantaim wari na tingim olgeta samting em i bin wokim long divelopim ragbi yunien klap.