OSENIA Australia Faundesen Trek na Fil Etlits Benjamin Aliel na Roland Hure i bin go long Yunaitet Stetso USA long las wik bihain long tupela i bin misim 10-pela mun program bilong tupela bikos long COVID-19 autbrek.

Aliel i bin stap namel long fainel semesta long las yia taim ol sponsa i wokim konsalten wantaim Saut Westen Komyuniti Kolis na ol arapela nesenel bodi na mekim disisen long bringim ol Pasifik Ailan sumatin  bilong ol long ples bilong ol. Hure i stap long namba wan yia bilong tupela yia program bilong em.

Aliel i tok em i amamasna luk fowat long pinisim stadi bilong em long South Western Kolis na Hure tu i laik go bek na pinisim wanem em i bin statim.

Presiden bilong Etletiks PNG Tony Green i bin surukim tok tenkyu long planti ogenaisesen na wan wan husat i bin helpim long stretim kam bek bilong dispela tupela etlit. Ol ogenaisesen Faundesen Ekseketive Opisa Mis Helen McMurray; Konsula Seksen bilong US Embesi long helpim wantaim ol visa askim; na ol Nesenel Operesen Senta bilong Air Niugini long helpim long hevi bilong trevol.

Ol etlit i gat longpela rot long go long Yunaitet Stets. Ol balus tu i gat mak bilong hamas pasindia ol inap karim na wanem rot ol i ken bihainim long dispela taim. Planti lain i go olsem long Doha long Qatar Airways bikos rot long Sydney na Melbourne we i moa balus i save ran bilong US i pas. Ol makim rot long Doha bilong ol etlits long kisim.