Pot Mosbi Wimen Sofbal Asosiasen i bin statim 2021 kompetisen bilong ol long las wik Sarere 16 Janueri 2021.

Dispela kompetisen i stap aninit long ful rul na lo bilong Sofbal konsep long bringim bek interes na tingting bilong ol meri long spot na kisim ol meri bek long dispela daimon resis bihain long COVID-19 pandemik yia.

Nau ol i gat 7-pela klap aut long 10-pela klap husat i bin pilai long las sisen kompetisen i bin soim interes long pilai tasol tupela tim em, Yokomo na Saints sofbal klap bai no inap pilai.

Yokomo i tingim seifti bilong ol pilaia long COVID-19 na tok no gat long pilai.

Dispela kompetisen bai ran long 9-pela wiken wantaim 10-pela tim husat bai resis.

Ol klap husat bai pilai em ol las sisen sempian Yunaitet Sisters, Bears, Gazelle, Wantoks, Stingerz Chebu, na Aviat Jets. Olgeta klap i bin putim wan wan tim tasol Bears na Gazelle i bin putim tupela tim wantaim sofbal ful rul bilong kompetisen.

Ol bai pilai gem long wanpela raun kompetisen fomat na tingting long pinisim pastaim long Easter long bung wantaim ol Nesenel Sempiansip olsem PNG Besbal Sofbal Konfederesen (PNGBSC) kalenda.

Jacklyn Kimala i raitim