GUAVA Pirates i bin nilim Morata Vikings long las wik Sande long Kone Tigers fil long Pot Mosbi.

Dispela Morata Off-Sisen em bilong man na meri wantaim long resis aninit long NCD sponsa we i save bungim olgeta yangpela meri na man bilong Morata ples long resis na winim kompetisen.

Guava Pirates tim bilong ol meri i tren aninit long lidasip bilong kosa Apsie husat i save gat bikepla driman na gol long wan wan pilaia bilong olgeta ragbi lig insait long NCD.

Apsie i gat biknem olsem namba wan kosa bikos em i bin trening planti yangpela meri na man long gro wantaim ragbi lig bihain taim na tu em i gat planti pilaia husat i save apim nem na stori long em.

Guava Pirates meri i bin soim kala bilong kosa Apsie insait long fil long las wiken gem bihain long Pirates i bin nilim Vikings 12-0.

Apsie i amamas long gem bilong ol pilaia tasol em i bin salensim ol sampela asua insait long fil, kain olsem takol na strongim difens.

Ol Pirates i bin winim 4-pela olgeta raun no gat wanpela lus, dispela wik ol bai bungim M3 Bulldogs long wankain taim na sapos ol winim bai go traim ol Pul A tim.

Pirates meri stap long namba wan ples long Pul B na redi long traim Pul A meri time long wik antap tasol olgeta pilaia i gat planti moa wok i stap long kisim tim i go insait long gren fainel.

Jacklyn Kimala i raitim