PHARMACEUTICAL Kampani Chemcare long Lae i bin givim donesen bilong first aid saplai long mani mak moa long K1,000 long ol Etletiks PNG long trening program bilong ol long Kerowagi, Simbu Provins. Dispela em namba tu taim Chemcare i kam long sapotim APNG, na ol i bin givim sampela long trening kemp long NSI long Goroka long 2019 Pasifik Gem.

Presiden bilong Etletiks PNG Tony Green i bin kisim dispela saplai long han bilong wanpela Sels Opisa Martha Nakaio na bihain ol i bin kisim go long Kerowagi. Long makim bilong ol etletiks, Green i bin tok tenkyu long Operesen Menesa bilong Chemcare Angus King long dispela donesen.