LONG dispela 2021 fainel skwat  bilong SP Hunters i bin kamapim planti komplein. Wanpela ki rot long daunim ol komplein na makim PNG em disiplin bikos i  no gat rum bilong ol pilaia husat i no gat gutpela disiplin.

 Olpela kosa bilong SP PNG Hunters na kosa bilong PNG Kumuls Michael Marum i tok ol bai kisim bikpela skwat go daun long dispela kompetisen bikos taim wanpela pilaia i kisim bagarap i gat narapela stap pinis long kisim gem.

 “Disiplin em ki rot taim ol makim mipela olgeta PNG na pilai maski Hunters skwat i gat planti eksperiens pilaia long sait na ol i save long samting long ovasis. Tasol nau ol senisim bikos long COVID-19, olsem na disiplin i mas stap namel long klap, pilaia na menesme.

 “Mipela  bai wari long lukim ol pilai gem long ovasis taim mipela laik lukim ol pilai long hom graun bikos sampela samting i no kamap gut olsem na ol bai stap tasol long hap na pilai,” Marum i tok.
Em i tok gud lak long olgeta Hunters pilaia husat bai go daun na makim yumi olgeta PNG long dispela 2021 Intrust Super Cup sisen.

Jacklyn Kimala i raitim