PNGRFL Sif Ekseketiv Opisa Stanley Hondina i bin tokaut long nupela asisten kosa bilong SP Hunters
husat em i bin bipo PNG Kumul Kepten na pilaia, Paul Aiton.

Aiton bai helpim het kosa Mathew Church long dispela sisen bikos em i bin stap 12-pela taim kepten
bilong PNG Kumuls na Aiton i gat planti eksperiens. Na tu em i karim nem bilong PNG na i pilai 250 gem
na i gat moa eksperiens long NRL na Supa Lig Level bilong gem.
Hondina i tok 14-pela manmeri i bin soim interes bilong ol na salim pepa kam tasol ol i bin katim namba
go daun long 3-pela man na Aiton i bin bungim standet bilong level tu kosa setifiket olsem na ol i bin
makim em olsem asisten kosa bilong 2021 Intrust Super Cup.
Aiton i stap nau long Queensland na redim ples bilong ol Hunters pilaia long go daun long dispela
pandemik sisen.
Hondina i toksave tu long wanem taim ol skwat bai lusim PNG na go long Brisbane na em bai long Sande
Janueri 31, 2021. Ol bai go stap long Runaway Bay long Gold Coast na go het long trening bilong ol.

UPNG Jenelis Sumatin Martina Takaneng i raitim