OL sempion bilong 2020 NCD Gavana Kap QPR Colts i bin amamas bihain long ol i bin winim 2020 NCD
Gavana Kap long las wik Sande long Sir John Guise Stedium.

Ol i bin amamas na tok bikpela tenkyu long sponsa bilong ol QPR Sekuriti Servis, famili na ol sapota long
sapotim ol inap ol kisim dispela taitel.
Na tu bikpela amamas na tok tenkyu long man bilong mekim wok stret Powes Parkop long stap yet long
sapotim na strongim ol yut long Nesenel Kapitel Distrik, Pot Mosbi.
QPR Colts pilaia surukim tok tenkyu bilong ol i go long Tonamen Dairekta Simon Nuabo na tim bilong em
tu.
Ol i tok dispela sisen NCD Gavana Kap i bin wanpela gutpela tonamen we ol i bin holim.
Ol Colts i laik mekim strong long bihain bilong NCD Gavanas KapTonamen bai i kamap bikpela, gutpela
na kamapim gutpela risal aninit long lidasip bilong Mista Nuabo.
Bikpela tok tenkyu tu i go long 47 tim husat i bin pilai na strongim tu ol gutpela ragbi skil long Gavana
Kap.
Long ol sapota, bikpela tenkyu long yupela long kam lukim pilai na sapot long pilai strong. Tenkyu long
sanap na gim strong long ol pilaia.

UPNG Jenelis Sumatin Martina Takaneng i raitim