PNG Olympic komiti na tim i laik tok tenkyu long hat wok, Komitmen na sapot bilong leit  Kosa Kwalam Apisah long spot bilong Tennis long Papua Niugini.

Leit Apisah em bin statim tenis gem insait long PNG na tu em i putim laip bilong em long dispela spot taim em bin lusim wok olsem gavman wokman long 1984 na go kisim trening bilong tenis long USA.

Em i laikim tru dispela Tennis gem we em i pulim ol famili bilong em tu long pilai tennis.

Bikpela pikinini man bilong em i kamamp Tim PNG Kosa wantaim tupela pikinini meri bilong em i save karim nem bilong Papua Niugini na go pilai. Narapela pikinini man bilong em i wanpela namba wan pilaia bilong ol Pacific Tennis Regional Centre long Fiji na nau em i stap olsem Army bilong British.

Tupela Pikinini bilong leit Kosa Apisah, Abigail na Marcia i go het long karim nem bilong PNG. Abigail i wok strong long go long Tokyo Olympic Gem long dispela yia na Maricia i kamap Tennis Kosa na mekim Edministretiv wok tu.

Meri bilong leit Apisha, Vere Tere i karim nem bilong PNG tu long pilai Tennis na em tu i helpim leit man bilong em na kamap kosa.

Leit Apisha i save trenim ol liklik pikinini long mak bilong 5 krismas na i go antap long kamap ol gutpela tennis pilaia.

PNG Olympic komiti na tim i tok sori long famili long dai bilong leit Kosa Apisah. Go malolo insait long pis, Kosa Kwalam Apisah.

UPNG Jenelis Sumatin Martina Takaneng