TUPELA barata na susa seila, Te Airiki Numa na Rose Numa i trening na redi long sel long bot long Olympics Gem long Tokyo long dispela yia.

Chef de Misen bilong PNG Tamzin Wardley i tok em i sori long lukim dispela tupela barata na susa i trenim tupela yet tasol em i no wanpela samting sapos ol i go lukim trutru gem bai stat na hau ol bai pilai long en.

Ol narapela ol pilaia tu mas gat wankain hevi long no gat lain we ol ken resis long lukim strong bilong ol. Na tu i no gat wanpela kain olsem kantri tenis pilaia, Abigail Tere-Apishah.

“Em i wanpela sori samting long lukim Papua Niugini i gat ol sempion insait long kantri tasol ol i nogat ol wankain manmeri olsem ol we ol bai ken go egeinsim ol yet”, Ms Wardley i tok.

Dipela ol liklik ol hevi i no stopim ol pilaia long wok strong na trening strong long lukim Tokyo Olympic Gem long dispela yia.

Bikpela salens tasol olgeta pilaia i putim bel long go pilai na winim medol wantaim komitmen bilong ol na komitmen bilong ol long go long dispela gem.

UPNG Jenelis Sumatin Martina Takaneng i raitim