WANPELA nupela ragbi tim i kamap long SaltNomane Karamui Simbu provins long pilai long TNA kap.

Dispela i kamap taim namba wan sekreteri bilong Maining David Motsy i sapotim wantaim mani na ol samting bilong pilai.

David Motsy i spendim mani mak olsem K30,000 long givim long ol SaltNomane Karamui Stars (SNK) pilaia na baim ol samting bilong werim bihan na taim ol i pilai pinis. TNA grup bilong kampani i helpim dispela tim wantaim jesi.

David Motsy i tok,” Spots em i wanpela samting i save helpim ol yut long senisim ol pasin bilong ol.”

David i tok, “Olsem wanpela skul man long here me bai helpim wantaim wanem samting mani inap long baim long sapotim ol yut bilong yumi.”

“Mi amamas long sapotim dispela ragbi tim wantaim ol narapela sapotas na laik lukim yupela i pilai na no ken stop tasol go olgeta long ol bikpela kompetisen,” David i tok.

David i tok amamas long Mista Gerald Philip long sapot bilong TNA na las yia kam inap long 2021. TNA i sponsa long 11-pela tim wantaim jesi.

Olgeta distrik bilong Simbu provins i gat tim bilong ol long dispela kompetisen.

Ol SNK Stars i stap long namba 4 ples long dispela TNA Kap. Dispela tim i mekim ol pikinini man long Karamui distrik i laik tru long joinim.

Ol man husat i pilai pinis long ol bikpela kompetisen olsem Mathias Kinn, Leeroy Kume, Jokadi Bire na Shelom Bire long joinim tim SNK Stars.

David i tok dispela gem i bungim ol yut long distrik na em bai  go het yet long kamap sponsa long bihain taim.

UPNG Jenelis Sumatin Samantha Solomon i raitim