MASKI hevi bilong COVID-19 sampela spots i bin inap long ranim sampela gem bilong ol.

Long Soka sampela bikpela gem i bin kamap. Nesenel soka i bin pinis wantaim tupelo bikpela pilai off i bin kamap long Lae na Pot Mosbi.

Long stat bilong dispela yia Nesenel Soka Lig bilong PNG i sainim kontrak wantaim 4-pela pilaia bilong Saut Amerika na bringim ol i kam long pilai wantaim tupelo Klab long PNG. Tupela pilaia bilong Brazil i joinim Hekari United na tupelo pilaia bilong Ecuador i go pilai wantaim Lae City FC.

Ragbi i lukim sampela yangpela bilong PNG i joinim ol klap long Australia. Justin Olam em i putim wanpela wokmak bilong ol yangpela long PNG long bihainim na kamap long mak bilong em. Em i bin lukim bipo ragbi pilaia Markus Bai olsem piksa bilong em i bihainim na em i kamap long mak em i antap long ragbi. Em i pilai wantaim Melbourne Storms.

Elsie Albert wanpela meri PNG tu i kamap long wanpela mak taim em I sainim kontrak bilong wanpela yia na joinim Illawarra Dragons, wanpela klap long Australia. Em tu I tim kepten bilong PNG Orchids, nesenel ragbi tim bilong PNG meri.

Xavier Coates tu i bin mekim PNG i saik ap na sapotim em taim em i pilai wantaim Brisbane Broncos long las stet ov origin gem long dispela yia.

Praim Minista James Marape nau i lukluk long sapotim spots na em i tok ol yangpela I mas lukluk long spots olsem wok.