NOGAT gutpela hap bilong ol pilaia long tren, em i wanpela bikpela hevi long ples we ol pilaia i stap long en.

Hanuabada em i stap insait long Pot Mosbi we insait long dispela ples i gat ol gutpela plaia bilong spot kain olsem ol meri bilong apim iron i stap. Ol i save kolim dispela ples olsem Gold Village bilong wanem planti ol sempion bilong kantri Papua Niugini i kamap long dispela ples.

“Long dispela ples, mipela i gat planti kainkain samting i save kamap na i savemekim hat long trening. Long taim bilong dai o taim bilong putim pei bilong meri em i  save stopim mipela long trening”, Toua i tok.

Toua i tok ol i must tren yet na wet tasol long bekim bilong go long Australia.

Planti ol pilaia i lusim pinis gem tu bilong wanem i nogat mani tasol PNG i gat bilip bai 10 – 20 pilaia bai go yet long Tokyo.

“Em i wanpela bikpela tingting bilong ol Olympic gem olsem ol pilaia bilong olgeta spot mas go na salens go kam long gem”,  Mis Wardley i tok.

Long go long Australia em bikpela samting bilong wanem em bai strongim ol pilaia long redi long pilai gem.

UPNG Jenelis Sumatin Martina Takaneng i raitim