NESENAL  soka  lig bilong ol meri (WNSL) i bai opim namba 2 pilai trensfea windua long 1 Janueri i go inap long 7 Janeuri 2021.

Dispela bai i helpim ol meri long no ken stap long wanpela hap tasol. PNG Futbal asosiesen (PNGFA) Dairekta Paul Isorua i tok dispela trensfea bai kamap long holide taim bilong ol WNSL long krismas na niu yia.

Ol lain husat i save sapotim ol WNSL i kisim tok save olsem bai i gat wanpela trensfea windua bilong ol meri na deit bilong gem bai kamap.

Dairekta Isorua i tok WNSL kompetisen i go holide na bai kam bek gen long dispela wik. Ol noten Konprens bai i stat dispela wik na ol Sauten Konprens bai stap 3-pela wik na bai stat.

Ol Noten Konprens bai stat long 9 Janueri  long raun 4 na 10 Janueri long raun 5 na ol Sauten bai stat long 16 Janueri 2021.

Ol Noten bai plei long Sir Ignatus Kilage Stedium long Lae long 9 Janueri na long PNGFA Edukesen Senta Ovel long 10 Janueri.

Isorua i tok“ WNSL i gat 8-pela tim long Noten Konprens wantaim 14 de bilong plei na 6-pela tim long Sauten Konfrens wantaim 10 de bilong plei.”

PNGFA kompetisen depatmen i mekim skedul long olgeta tim mas i gat sans long plei. Isorua i tok tupela tim wantaim bai stap long holide pastime long krismas na pinis bilong krismas.

Ol i mekim tupela raun long mekim namba bilong ol pilai i go liklik na ol i ken pinisim tupelo  raun long wanpela taim. Ol Sauten Konprens i bai pinisim gem long 27 Februari na ol Noten Konprens i bai pinis long 6 Mas 2021.

Tupela tim pilai gut bai go long fainel. Dairekta Isorua i askim ol Noten Tim long wok wantaim ol WNSL long pinisim gem long taim.

Makim maus bilong ol WNSL komiti Darekta Isorua i tok Meri Krismas na Hepi Nu Yia long ol pilaia, tim opisal na ol teknikol opisal na ol lain husat i save sapotim WNSL.

UPNG Jenelis Sumatin Samantha Solomon i raitim