POT MOSBI DEKENAI Sauten Konfederet nem lista bilong sinia meri i kam aut  bihain long PRL sisen i bin pinis long Pot Mosbi.

Dispela seleksen i bin kamap bihain long ol sinia meri  bilong PRL kompetisen i bin pinis na luk fowat long dispela sauten konfederet tonamen we bai kamap long Enga provins.

Long 2020 PRL sisen i bin gat ol meri tim husat i bin kamap na pilai long kompetisen em, Hohola Flies, Royals, Sisters, Paga Panthers, Tarangau, Kone Tigers, Galp, Magani na Sauts.

Ol selekta i bin selektim wanpela  pilai bilong Hohola Flies, Sisters, Magani, Galp, Kone Tigers, Butterflies, Tarangau, Sauts na  ol Royals em 6-pela pilaia wankain long Paga tu em 6-pela pilaia.

Long dispela seleksen ol i bin mekim bihainim lo bilong Digicel Kap kompetisen we ol i save kisim moa namba pilaia bilong tupela tim husat i salens long gren fainel.

Wankain seleksen i bin kamap long POM Dekenai Sauten Konfederet sinia meri seleksen we i bin salensim sampela ol pilaia bilong narapela klap long pulim sokis bilong ol na pilai strong long neks yia.

Nem bilong ol sinia meri husat bai makim Sauten Konfederet na go pilai long Enga wantaim ol narapela Konfederet em; Frieda Waula bilong Royals, Joan Kuman bilong Sauts, Joyce Waula bilong Royals, Naomi Kaupa bilong Royals, Mala Mark bilong Paga, Taime Jackson bilong Tarangau, Sandy Kipan bilong Kone Tigers, Nelly Andrew bilong Royals, Lisa Bina bilong Butterflies, Janet Michael bilong Paga, Carol Humeu bilong Magani, Dorin William bilong Hohola Flies, Vero Waula bilong Royals, Winnie Steven bilong Paga, Tere Kinwi bilong Royals, Elvina Hetra bilong Paga, Roswita Kapo bilong Paga, Getrude Kose bilong Galp, Benoti Kuman bilong Sisters na Janet Johns bilong Paga.

Dispela olgeta sinia meri pilaia i bai bung na statim trening bilong ol long Trinde 23 Desemba 2020 long Gordons Polis Bareks fil.

Jacklyn Kimala i raitim