KLAP Sempiansip Nok-aut  bilong 2020 i kamap long Nesenel Futbal Stedium fil 2 long Pot Mosbi.

Dispela wanpela de resis bilong ol tim ausait long Pot Mosbi siti, long Sentral Provins we ol i save kam pilai nok-aut na gren fainel long NFS bihain long pinisim olgeta nomol kompetisen long ples.

Dispela sempiansip Knok-aut i stat long Trinde 23 Desemba, 2020 we i bin bungim olgeta tim bilong Sentral na NCD wantaim.

Ol tim bai resis long dispela nok-aut Sempiansip em, A-gret bilong SIOUSPOSA RL vs RIGO RL Primia, ITISORA BRONCOS vs KWIKILA Dragons, KOIARI RL vs SP POMRFL na DONA MINAS vs TARANGAU. Olgeta bai resis wantaim long wankain taim.

Bihain long olgeta tim i resis em wina bilong gem 1 bai resis wantaim wina bilong gem 2 long lukim husat em nambawan wina.

Dispela em gutpela stat bilong ol yangpela insait long wan wan komyuniti long kam aut na soim talen bilong ol ples klia na mekim ol sponsa, sapota na famili i amamas moa na sapotim ol.

Maski dispela yia i no gutpela bikos long COVID-19 tasol ragbi lig gem i no bin stopim ol yangpela pilaia long trening na pilai long wan wan komyuniti bilong ol.

Gem bilong olgeta tim bai strong tasol wanpela strongpela tim tasol bai winim 2020 nok-aut sempiansip.

Jacklyn Kimala i raitim