SP PNG Hunters i bin statim trening bilong ful mun inap long neks wik Trinde bai olgeta go bek long haus bihain long fainel skwat.

Radley Brawa husat i gat planti ekspriense i bin statim trening bilong em bihain long sampela risen na  wankain long Ase Boas husat i pilim orait na helpim tim long sampela fitnes trening.

Het kosa bilong SP Hunters Mathew Church i tok ol sinia pilaia i go pas wantaim strongpela trening na ol yangpela nupela pilaia tu i amamas long lainim planti samting.

“Mipela i gat liklik taim long mekim fainel 30 man skwat, long go wantaim long Australia olsem n alas tu wik bilong pr-sisen trening bilong tim em, difensive na lain spit long fil bikos em bikpela salens long ol pilaia,” Church i tok.

Em i tok dispela pri-sisen trening i bin givim planti samting long ol nupela pilaia i mas klia long lo bilong kemp, trening taim na strongim tingting bilong ol long kamap tru tru Hunter bilong kantri.

“Wanpela salens em komyunikesen we kosa na ol pilaia i mas gat gutpela komyunikesen bikos dispela i ken givim ol pawa long kamap go het wantaim driman bilong ol,” em i tok.

Olgeta tim i bin mekim gut long pri-sisen trening tasol no gat wanpela senis i kamap long namba Hunter.

Jacklyn Kimala i raitim